Me këto ushqime ne stabilizojmë sheqerin

Shkaku kryesor është ulja e sekretimit të insulinës nga pankreasi ose aktiviteti i zvogëluar ose kombinimi i të dyjave.

Kur pankreasi nuk prodhon mjaftueshëm insulinë, atëherë glukoza që marrim nga ushqimi nuk hyn në qeliza dhe për pasojë mbetet në gjak, duke sjellë si pasojë sheqerin e lartë, pra diabetin.

Nëse sheqeri i lartë në gjak mbetet i patrajtuar për një kohë të gjatë shkakton dëmtime afatgjatë në organe të ndryshme dhe veçanërisht në sytë, veshkat, nervat, zemrën dhe enët e vogla të trurit dhe zemrës.

Shikoni ushqimet e pasura me vitamina, minerale dhe antioksidantë që ndihmojnë në kontrollin e sheqerit në gjak:

• Arrat dhe farat: Shqema, fëstëkët, farat chia, arrat dhe farat e lirit kanë një përmbajtje të lartë të yndyrave të shëndetshme që asimilohen plotësisht nga trupi dhe rregullojnë sheqerin në gjak dhe marrjen e ushqimit. Vitaminat, mineralet, proteinat dhe fibrat i bëjnë arrat dhe farat një rostiçeri të ekuilibruar.

• Bishtajoret: Fasulet, thjerrëzat dhe bizelet përmbajnë fibra, të cilat ngadalësojnë përthithjen e sheqerit dhe ndihmojnë tretjen.

• Tërshëra: Tërshëra e papërpunuar nuk përmban sheqer të shtuar dhe ndihmon njerëzit me diabet të tipit 2 të mbajnë nivele të qëndrueshme të sheqerit në gjak. Është gjithashtu një burim fibrash që ndihmon në ruajtjen e niveleve të dëshiruara të hemoglobinës së glikoziluar, vlerat e së cilës përcaktojnë nëse vuan nga diabeti.

• Domatet: Vitamina C e pranishme në domate është treguar se redukton nivelet e sheqerit pas ngrënies te njerëzit me diabet të tipit 2.

• Perimet me gjethe: Hulumtimet kanë treguar se perimet jeshile si spinaqi, lakra jeshile dhe marule mund të zvogëlojnë rrezikun e diabetit të tipit 2.

• Brokoli: Fibrat e tretshme ngadalësojnë përthithjen e sheqerit. Brokoli është i pasur me fibra dhe parandalon rrezikun e sheqerit të lartë në gjak.