Ushqimet që ju ndihmojnë të flini më mirë

Ne kalojmë gati një të tretën e jetës sonë duke fjetur. Gjumi, është thelbësor për funksionet tona biologjike dhe luan një rol të rëndësishëm në të mësuarin, metabolizmin dhe imunitetin. 

Ka disa ushqime që ju ndihmojnë të flini më mirë gjatë natës dhe më poshtë ju listojmë ato më efektivet.

Makaronat Al dente dhe orizi kaf- Makaronat Al dente, orizi kafe, quinoa, bullguri dhe gruri janë ushqime të pasura me karbohidrate që lejojnë trupin të prodhojë serotonin e cila nxit gjumin.  Por, duhet të keni kujdes sasinë që duhet të hani. Një darkë shumë e madhe dhe e pasur me yndyrë është e rëndë për t'u tretur, gjë që është e keqe për gjumin.

Bajamet- Përveç reduktimit të rrezikut të sëmundjeve kardiovaskulare, bajamet janë të pasura me acide yndyrore të pangopura, fibra dhe antioksidantë. Ato rrisin sekretimin e melatoninës, një hormon që rregullon gjumin. Bajamet përmbajnë gjithashtu magnez, i cili ndihmon në përmirësimin e cilësisë së gjumit dhe ul kortizolin, hormonin e stresit.

Qumështi i nxehtë-Qumështi i nxehtë përmban triptofan. Një aminoacid që lejon trupin të sekretojë hormonin e gjumit melatonin dhe serotonin, i quajtur gjithashtu hormoni i ndjenjës së mirë. 

Patatet-Patatja e ëmbël dhe patatja që konsumojmë rregullisht janë të pasura me karbohidrate komplekse, të cilat quhen edhe sheqerna të ngadalta. 

Mjalti- Mjalti i luleve të portokallit, mjalti i blirit ose mjalti i tërfilit, kur konsumohen në mbrëmje në një filxhan qumësht të nxehtë ose çaj bimor, janë të përsosur për të fjetur mirë. Mjalti është i pasur me glukozë, kështu, truri relakson dhe aktivizon neuronet përgjegjëse për të fjetur. Kjo shpjegon edhe rënien e përditshme pas një dreke tepër të bollshme.

Buka integrale-Për të njëjtën arsye si ushqimet me niseshte, buka integrale ju ndihmon të flini mirë. Ndihmon në ndërtimin e insulinës në trup, e cila ndihmon trurin të relaksohet dhe ndihmon në prodhimin e serotoninës. Në mbrëmje mund të hani një ose dy feta, por pa tepricë, sepse tretja e vështirë mund të na prishë gjumin.

Bananet- Banania është një frut i pasur me triptofan, një aminoacid që ndihmon në zhvillimin e hormonit të gjumit. Përveç kësaj, përmbajtja e tij e magnezit dhe kaliumit do të ndihmonte në relaksimin dhe uljen e stresit, shpesh shkaku i çrregullimeve të gjumit. Në mbrëmje, për ëmbëlsirë mund të hani gjysmë bananeje të grirë mbi bukë integrale.